SKÓLAR

Hönnun skólabygginga fylgir alveg sérstök ábyrgð. Menntastofnun er í senn vinnustaður og námsumhverfi – staður sem hefur djúpstæð áhrif á líðan okkar og möguleika til þroska á viðkvæmum mótunarárum.

Taka þarf tillit til ólíkra notenda skólans, nemenda, kennara, stjórnenda og annars starfsliðs, auk þess sem ýmis tæknileg sjónarmið koma til skoðunar, svo sem öryggiskröfur, hljóðvist og heilnæmt efnisval.

Í þessu felast áskoranir sem við hjá Arkibygg tökum fagnandi. Þverfaglegt samstarf er þungamiðjan í nálgun okkar á hönnun skóla. Við leggjum áherslu á að snemma sé komið á samtali milli hönnuða, skólastjórnenda og annarra hagsmunaaðila sem best þekkja þarfir skólasamfélagsins. Þannig búum við skólanum umgjörð sem er inngildandi og aðlögunarhæf, og raunverulega virkar fyrir fólkið sem í honum starfar.

Þetta þverfaglega samtal á öllum stigum máls, hefur að okkar mati úrslitaáhrif á gæði hönnunarinnar og framkvæmd verkefnisins.