Arkibygg vinnur með opinberum aðilum, einstaklingum og fyrirtækjum að fjölbreyttum verkefnum á sviði arkitektúrs. Við veitum alhliða þjónustu í faginu, en auk hönnunar bygginga og innanhússarkitektúrs bjóðum upp á ráðgjöf, handleiðslu og eftirfylgni. Þjónusta okkar spannar því allt ferlið frá hugmynd að fullbyggðu verki. Hún innifelur meðal annars stefnumótun, ástandsmat, gerð kröfulýsinga og kostnaðaráætlana auk umsókna um byggingarleyfi og efnissamþykktir. Einnig bjóðum við upp á umsjón með framkvæmdum á byggingarstað, sinnum skýrslugerð og kynningarstarfi. Með nánu samstarfi við viðskiptavini byggjum við undir verkefnin traustan grunn og tryggjum að þau hljóti faglega framkvæmd.

Arkibygg sinnir verkefnum af fjölbreyttum toga um land allt. Við hönnum einkaheimili, íbúðablokkir, skóla og opinberar byggingar, mannvirki tengd ferðaþjónustu og vinnustaði. Einnig tökum við að okkur endurbætur á húsnæði og hönnun viðbygginga. Við nálgumst hvert verkefni á sínum forsendum. Staðsetning og nánasta umhverfi eru alltaf tekin með í reikninginn, sem og tilgangurinn og markhópurinn: fólkið sem mun lifa og hrærast innan um verkið. Hvort sem um ræðir nýbyggingu eða breytingar einhverju eldra, þá viljum við að hönnunin nýtist vel og endist vel.

Arkibygg hefur aðsetur að Ásholti 2 í Reykjavík en viðskiptavinir okkar koma alls staðar að af landinu. Verk okkar má líka finna víða. Í þéttbýli höfum við komið að hönnun skipulags og bygginga, en við höfum líka hannað mannvirki tengd ferðaþjónustu í náttúru Íslands. Við störfum náið með skiptavinum okkar óháð staðsetningu og eigum að baki mikla og góða reynslu af starfi með sveitarfélögum, fyrirtækjum og einstaklingum.

Við hjá Arkibygg erum sannfærð um að forsenda góðs arkitektúrs sé skilningur á fólki, stað og tilgangi. Þetta eru þau atriði sem við kortleggjum fyrst af öllu, áður en við mótum okkar sýn á verkefnið og leggjum fram hönnunartillögur. Við höfum á að skipa þverfaglegu teymi með sérþekkingu bæði á sviði arkitektúrs og byggingarfræði. Þessi breiði faglegi grunnur gerir okkur kleift að leggja til frumlega hönnun sem jafnframt fylgja heilsteyptar tæknilegar útfærslur. Þannig getum við fylgt verkum okkar eftir alla leið frá hugmynd að framkvæmd. Virkt samtal við verkkaupa er alltaf hluti af vinnuferlinu. Í öllum okkar verkum er markmiðið að skilja eftir okkur hönnun sem bæði uppfyllir hlutverk sitt og stenst tímans tönn.

Samtal er alltaf fyrsta skrefið. Við byrjum því á að kynnast hugmyndum þínum og markmiðum, staðnum sem um ræðir, fjárhagsrammanum og velta upp valkostum. Eftir það getum við gefið fagleg ráð og skipulagt næstu skref. Þau geta falið í sér nánara mat á aðstæðum og fýsileikakönnun, vinnu við grundvallarhugmynd að hönnun, umsókn um byggingarleyfi eða fullmótaða arkitektóníska hönnun. Við tökum vel á móti öllum sem leita til okkar með hugmynd – jafnvel hugmynd sem er enn í mótun. Okkar er sönn ánægja að veita endurgjöf og leiða þig fram veginn.

Því fyrr því betra. Sé arkitekt með í ráðum frá upphafi er verkinu strax mótuð skýr stefna. Það er gott að gera áður en nokkrar meiriháttar ákvarðanir eru teknar. Fagleg ráðgjöf á fyrstu stigum verks getur fyrirbyggt yfirsjónir og forðað verkinu frá kostnaðarsömum breytingum seinna meir. Arkitektinn sér ekki aðeins til þess að hönnun sé vönduð, skýr og hæfi umhverfinu, heldur einnig að hún samræmist óskum og þörfum verkkaupa, sé fjárhagslega raunhæf og framkvæmanleg.

Arkitektúr er samvinnuverkefni. Við vinnum náið með viðskiptavinum okkar á öllum stigum verks og tökum allar stærri ákvarðanir í samráði við þá. Hönnun okkar helst í hendur við þarfir viðskiptavina og breytist með þeim. Við metum góð samskipti, gagnsæi og tæknilega fagþekkingu til jafns við frumlega og skapandi hönnun. Þetta er hornsteinninn í vinnulagi okkar sem fyrir vikið er skemmtilegt, gefandi og vel skipulagt.

Já Arkibygg hefur öll tilskilin leyfi til að skila inn aðaluppdráttum. Við getum sinnt hlutverki aðalhönnuðar og hönnunarstjóra. Við getum gert öll hönnunargögn sem snúa að arkitektúr og samræmingu við aðra hönnuði sem koma að verkefninu.

Já. Við getum leitt verkið í gegnum allan feril þess, frá fyrstu ráðgjöf og hugmyndavinnu til byggingarleyfa og eftir atvikum útboðsgagna, verkefnastjórnar og að lokum getum við boðið eftirlit með framkvæmdum á byggingarstað. Með því að láta okkur verkið varða á öllum stigum öðlumst við yfirsýn yfir framvinduna og getum séð til þess að hún sé trú upphaflegri hönnun og fjárhagsáætlun.

Hvert verkefni er einstakt. Kostnaður er því misjafn eftir því og fer eftir hversu flókin og umfangsmikil verkin eru. Eftir fyrsta samtal við viðskiptavin, útbúum við tillögu þar sem verkefnið er lagt upp á skýran hátt og áætluð þjónusta útlistuð ásamt tilheyrandið kostnaði. Markmið okkar er að gagnsæi einkenni samstarfið frá upphafi og að verkkaupi hafi greinargóða mynd af þeirri fjárfestingu sem verkefnið krefst og því virði sem felst í góðri og úthugsaðir hönnun.

Ef þú ert með verkefni í huga – hafðu þá endilega samband. Við erum til staðar, boðin og búin að deila fagþekkingu okkar og reynslu. Við erum alltaf til í spjall, hvort sem er til að hrinda af stað vinnu við fullmótaða hugmynd, eða til að veita endurgjöf á verkefni í þróun. Við viljum gjarnan heyra frá þér og finna út hvernig við getum orðið að liði.