HÚSTÝPA 2
Sérhannað Einingahús, 2020
Arkitektar: Arkibygg
Verktaki: ARNO
Fá tilboð í sérhönnuð einingarhús á heimasíðu ARNO:
Hústýpa 2 er látlaust og nútímalegt hús sem mótað er af íslenskri náttúru og umhverfi. Húsið fellur eðlilega að umhverfi sínu og nýtur sín jafnt í opnu landslagi sem og í grónu byggðarmynstri.
Dagsbirta leikur lykilhlutverk í hönnun hússins, þar sem Velux bakgluggar eru nýttir til að færa náttúrulegt ljós ofan frá inn í rýmið. Þeir skapa birtu og hlýlega stemningu og gera alrýmið og svefnrýmin bæði opnari og notalegri, óháð afstöðu hússins eða árstíma.
Skipulag hússins leggur áherslu á opið og bjart rými, þar sem hver fermetri er nýttur með markvissum hætti. Efnisval og form eru tímalaus, með áherslu á gæði, einfaldleika og notalegt yfirbragð.
Hústýpa 2 hentar sérstaklega vel fyrir einstaklinga, pör eða minni fjölskyldur sem leita að vel hönnuðu, nettu en rúmgóðu heimili í nánum tengslum við náttúruna.
Hönnunin er hugsuð sem sveigjanlegur grunnur og hægt er að aðlaga stærðir, skipulag og útfærslur að óskum og þörfum hvers viðskiptavinar.
Hústýpa 2 er látlaust og nútímalegt hús sem mótað er af íslenskri náttúru og umhverfi. Húsið fellur eðlHúsið er á einni hæð og er 71 m² brúttó, með vel útfærðu og hagkvæmu skipulagi. Í miðju hússins er rúmgott alrými, um 33 m², þar sem stofa, borðstofa og eldhús mynda samfellda heild. Stórir gluggar tryggja góða dagsbirtu og sterka tengingu við náttúruna.
Tvö svefnherbergi eru í húsinu, annars vegar 10,7 m² og hins vegar 11,3 m², sem henta vel sem hjónaherbergi, barnaherbergi eða gestarými. Baðherbergið er 3,9 m² og er staðsett með þægilegu aðgengi frá alrými og svefnrýmum, ásamt gangi, 1,9 m², sem tengir rýmin á einfaldan og skilvirkan hátt.
Fá tilboð í sérhönnuð einingarhús á heimasíðu ARNO: