Arkibygg vinnur með einkaaðilum, verktökum, fyrirtækjum og sveitafélögum.
ÞJÓNUSTA
1- Ráðgjöf, almenn ráðgjöf á verkferlum og notkunarmöguleikum
Í upphafi hvers verkefnis er nauðsynlegt er að glöggva sig á möguleikunum sem fyrir hendi eru, átta sig á því eftir hverju skuli leitast og hvaða valkostir séu raunhæfir. Ákvarðanir sem teknar eru á þessum fyrstu stigum máls hafa allt um það að segja hvernig til tekst að lokum. Meitluð og skýr sýn eru því lykilatriði á þessum tímapunkti.
Við störfum með opinberum aðilum, einstaklingum og fyrirtækjum að stöðumati og stefnumótun og byggjum þannig traustan grunn undir verkefnið sem framundan er. Í því felst ástandsmat, gerð kröfulýsinga og kostnaðaráætlana, efnissamþykktir og rýni hönnunar. Við veitum viðskiptavinum handleiðslu í gegnum umsóknarferli byggingarleyfis – allt frá fyrstu hugmynd til framkvæmdar. Við semjum fyrirspurnir til byggingafulltrúa ásamt því að annast skýrslugerð og kynningar.
Við veitum faglega og persónulega ráðgjöf og leggjum mikið upp úr teymisvinnu með verkkaupa. Þannig tryggjum við að hann fái strax í upphafi skýra mynd, bæði af hugsanlegum takmörkunum og tækifærum sem verkefnið felur í sér. Í nálgun okkar fara því saman gæði, fagurfræði og verðmætasköpun, styrk leiðsögn og raunhæfar áætlanir – allt frá fyrstu skrefum.
2- Arkitektúr og innanhússhönnun
Í hönnun er hugmyndum gefið efni og form. Arkitektónísk hönnun er jafnvægislist milli þess hugsanlega og þess framkvæmanlega og taka þarf til skoðunar praktískar aðstæður og samhengi. Markmiðið er ávallt að skapa rými sem þjóna tilgangi sínum – bæði sem fýsískt umhverfi og tlifinningalegt.
Viðskiptavinir okkar spanna breiðan skala, allt frá einstaklingum upp í fyrirtæki, þróunaraðila, ríki og sveitarfélög. Við trúum því að virkt samtal og samvinna við verkkaupa, ásamt faglegri ráðgjöf um bygginartæknileg atriði, leiði af sér aukin gæði í öllum verkefnum. Við vinnum á skapandi hátt með kröfur og óskir hvers viðskiptavinar og þarfir notendenda eru í fyrirrúmi. En jafnframt lögum við hönnun okkar að staðháttum og samfélagslegu samhengi.
Hvort sem um ræðir arkítektúr eða innanhússhönnun, leggjum við metnað okkar í að allar okkar tillögur og lausnir séu vandaðar, hagnýtar, heildstæðar og gerðar til að endast.
3- Byggingarleyfisumsóknir
Byggingarverkefni þurfa að standast reglugerðir og uppfylla kröfur um tilskilin leyfi og skráningar áður en þau geta orðið að veruleika. Ekki er leyfilegt að hefja framkvæmdir fyrr en samþykkt gögn og teikningar liggja fyrir. Að koma verki farsællega á bygginarstig krefst þekkingar, reynslu og nákvæmni.
Við sinnum leyfisumsóknum fyrir allar gerðir leyfisskyldra bygginga, gerum byggingarleyfisteikningar, skráningartöflur fyrir fasteignamat ríkisins og önnumst samskipti við byggingaryfirvöld. Einnig vinnum við LCA-greiningar og fléttum inn kröfur um sjálfbærni þar sem við á. Hlutverk okkar er að tryggja verkefninu auðvelt og fyrirsjáanlegt leyfisveitingaferli svo stíga megi næstu skref án hindrana.
4- Verkteikningar og útboðsgögn
Sterkri hönnun þarf að vera hægt að miðla á skýran og skilmerkilegan hátt til byggingaraðila. Á því veltur sjálf framkvæmdin.
Fyrir hvern þann sem vill ljúka byggingarframkvæmdum eða setja byggingarframkvæmdir í útboðsferli bjóðum við upp á gerð vandaðra verkteikninga og útboðsgagna sem innifela verklýsingar, magnskrá og kostnaðaráætlun þar sem ýtrustu nákvæmni er gætt.
Niðurstaðan eru heildstæð gögn sem gefa fullkomna yfirsýn yfir verkefnið, allt niður í minnstu smáatriði. Þannig gulltryggjum við að fullbyggð hönnun verði trú því sem lagt var upp með.
5- Hönnunarstjóra og verkefnastjórnun
Sterkri hönnun þarf að vera hægt að miðla á skýran og skilmerkilegan hátt til byggingaraðila. Á því veltur sjálf framkvæmdin.
Fyrir hvern þann sem vill ljúka byggingarframkvæmdum eða setja byggingarframkvæmdir í útboðsferli bjóðum við upp á gerð vandaðra verkteikninga og útboðsgagna sem innifela verklýsingar, magnskrá og kostnaðaráætlun þar sem ýtrustu nákvæmni er gætt.
Verkkaupi fær í hendurnar heildstæð gögn sem gefa yfirsýn yfir verkefnið og stuðla að því að byggingin verði reist samkvæmt fyrirliggjandi hönnun.
6- Byggingastjórn og eftirlit
Góð hönnun nær fyrst raunverulegu flugi þegar hún tekur á sig form. Eftirfylgni með framkvæmdum á byggingarstað skiptir öllu máli svo að lokaniðurstaðan endurspegli til fulls þá hönnun sem lagt var upp með. Sem byggingarstjórar og eftirlitsaðilar göngum við úr skugga um að fyrirmælum teikninganna sé fylgt af heilindum og samviskusemi og minnkum þar með líkur á byggingarmistökum.
Við sinnum gæðaeftirliti og hugum að öryggi á byggingarstað. Með góðu aðhaldi og virku eftirliti á staðnum getum við gripið snemma inn í þau mál sem kunna að koma upp og haldið verkinu á góðu skriði allt til enda.
Niðurstaðan er bygging sem mætir sannarlega fyrirlögðum gæðakröfum og raungerir jafnvel smæstu núansa hönnunarinnar.